பொன்னியின்_செல்வன் நந்தினி

#பொன்னியின்_செல்வன்

#நந்தினி

ஓவியர் வினு அவர்களின் கைவண்ணத்தில் நந்தினி.

கதையின் பிரதான மாந்தர்களுள் மிக முக்கியமான ஒரு பாத்திரம்.

ஆடை அணிகலன்கள் அணிந்து தன்னை அலங்கரித்துக் கொள்வதில் மிக விருப்பம் வாய்ந்தவள். இளவரசி குந்தவை நாச்சியாரையே மிஞ்சியவள் என்றால் பார்த்துக் கொள்ளுங்களேன்.

குறிப்பாக அந்தக் கொண்டையும் தலையணிகளும் ..
ஆண்டாள் கொண்டை , மீனாட்சி கொண்டை என்பது போல கதை தொடராக வந்த அந்த காலகட்டத்தில் நந்தினி கொண்டையும் மிக புகழ் வாய்ந்ததாகவும் , பெண்களால் மிக விரும்பப்பட்டதாகவும் என் சிற்றப்பா சொல்லக் கேள்விப்பட்டிருக்கிறேன்.

அந்த அளவுக்கு குந்தவை , வானதி ஆகிய கதாபாத்திரங்களை விட ஓவியர் மணியம் அவர்கள் நந்தினியின் கதாபாத்திரத்தினை பார்த்து பார்த்து வடிவமைத்திருப்பார். அவரை அடியொற்றி வரைந்த பிற ஓவியர்கள் மட்டும் என்ன...? அவரை விட ஒரு படி மேலே போய் இன்னும் அழகாக வரைந்திருந்தார்கள்.

பின்னே... அந்த அழகில் மயங்கித்தானே அவ்வளவு பெரிய வீரர் , பெரிய பழுவேட்டையர் தனது ஐம்பது வயதுக்கு மேல் அவளைத் திருமணம் செய்து கொண்டதுமல்லாமல் , எங்கு போனாலும் பல்லக்கில் வைத்து தன்னுடனே அழைத்துச் செல்கிறார் என்று பொது மக்களின் கேலிக்கும் பரிகாசத்திற்கும் ஆளான கதையைத்தான் பார்த்திருக்கிறோமே...

நல்ல வேளை.. அந்த பெரிய பழுவேட்டையர் மட்டும் இந்த முகநூல் , வாட்சப் காலத்தில் இருந்திருந்தால் அவ்வளவுதான் ... மனிதரை மீம்ஸ் போட்டே கிழித்திருப்பார்கள். .. என்று எண்ணி நம்மை சமாதானப்படுத்திக் கொள்ளக் கூட முடியவில்லை.

பொன்னியின் செல்வன் பிரியர்கள் (வெறியர்கள் .. ? ) முகநூலில் #பொன்னியின்_செல்வன்_மீம்ஸ் என்றதொரு பக்கத்தை துவக்கி அந்த கதையின் மாந்தர்கள் ஒரு கை பார்த்து வருகிறார்கள். எங்காவது முகநூலில் ஒரு கதைக்கு அல்லது வரலாற்றுப் புதினத்திற்கு இத்தனை பக்கங்களும் , குழுக்களும் இருப்பதை கேள்விப்பட்டிருக்கிறீர்களா?

சரி.. சரி..

நந்தினி கதாபாத்திரத்தைப் பற்றி நீங்கள் அறிந்தவற்றை பின்னூட்டத்தில் பகிர்ந்து கொள்ளலாமே நண்பர்களே...