வானவில்
அழகு அழகு வானவில்
அற்புத அழகு வானவில்
எழுநிறம் கொண்டு இலங்கும்
ஏகாந்த வான வில்
காலை மேற்கு திசையிலே
காட்சி தரும் வானவில்
மாலை கிழக்கு திசையிலே
மாறித் தோன்றும் வானவில்
இராமன் ஏந்தா வானவில்
அர்ச்சுனன் கற்கா வானவில்
இராமன் ஆய்ந்த வானவில்
ஒளிச் சிதறலாலே ஆனவில்
விப்ஜியாரு என்ற சொல்லும்
விளங்க வைக்கும் வானவில்
தப்பித் தவறிக் கூடவும் தன்
நாணை எற்றா வானவில்
கண்ணுக் கழகாய்த் தோன்றிடும்
கவின்மிகு வண்ண வானவில்
கண்ணை மூடித் திறக்கையில்
கலைந்து போகும் வானவில்
No comments:
Post a Comment