புத்தகம்

                                                                       புத்தகம்

பாரில் வாழும் யாவரும்
விரும்பு கின்ற புத்தகம்
படிக்க படிக்க இன்பந்தன்னை
வாரி வழங்கும் புத்தகம்

ஐந்து வயது ஆனபோது
தோழன் ஆன புத்தகம்
இன்னும் எனது நட்பைத் தொடரும்
ஒரே நண்பன் புத்தகம்

வாழ்வில் சிறந்து விளங்கிட
கருத்து சொல்லும் புத்தகம்
பக்கம் தோறும் படங்கள் கொண்டு
காணக் கிடைக்கும் புத்தகம்

அறிஞனாக நம்மை உயர்த்தும்
ஞானக் கருவி புத்தகம்
அறிஞர் அண்ணா இறக்கும் போதும்
நாடிப்  படித்த புத்தகம்

இல்லம் தோறும் இடம் பிடிக்க
வேண்டும் நல்ல புத்தகம்
ஊர்ப் பயணம் போகும் போதும்
பையில் இருக்கவேண்டும் புத்தகம்

கல்வி தன்னை வழங்கிடும்
கடவுள் அந்தப் புத்தகம்
கரங்கள் தவழ்ந்து பக்கம் புரண்டு
இன்பம் தரும் புத்தகம்

நல்ல  வழியில் செலுத்தியே
மனதைச் செதுக்கும் புத்தகம்
நண்பர் பிறந்த நாளில் வழங்க
சிறந்த பரிசு புத்தகம்

அச்செ ழுத்தின் வாசத்தை
அளிக்கும் நல்ல புத்தகம்
காலம் கடந்தும் மேதைகள் உடன்
பேச உதவும் புத்தகம்

நூலகத்தில் வாசம் செய்யும்
ஜீவன் உள்ள புத்தகம்
மனித உயிர்கள் உயர்வு கொள்ள
கடவுள் தந்த வரம் புத்தகம்

இரவல் வாங்கிப் படித்திட
இன்பம் தரும் புத்தகம்
இனிக்க இனிக்க செய்தி நிறைய
அள்ளித் தரும் புத்தகம்