கிருஷ்ண சிந்து

கிருஷ்ண சிந்து

பிருந்தாவனம் வளர் கண்ணன்
செய்யும் லீலைகளில்  மன்னன்
       
          நந்த கோபாலனின் மகனா யவன் வளர்போதினில்
          செய்தான் பல லீலை ...கிருஷ்ண லீலை
                                         லீலை ....கிருஷ்ண லீலை
                                                                                         (  தன நன்னே தன நன்னே தானா  )

பூதனை வதம் 


பூதனையின் முலை கடித்து
கடும் வலிதாங் காதவள் துடித்து
         
           அவள் பூதாகர உடல் சாய்ந்திட பாலாயவள்  உயிர் பருகிய
           கிருஷ்ணன் ...பால கிருஷ்ணன்
                             கிருஷ்ணன் ...பால கிருஷ்ணன்
                                                                                        (  தன நன்னே தன நன்னே தானா  )


நவநீத கிருஷ்ணன் ( வெண்ணைத் திருடி )

யாதவச் சிறுவர்கள் கூடி
வெண்ணைத் தாழிகளை யவன் தேடி

            அவர் முதுகேறியே உறிசாய்த்திட சிறு  கரம் கொண்டு
            வழித்தள்ளியே தின்றான் வெண்ணை திருடி
                           திருடி... வெண்ணைத் திருடி
                                                                                       (  தன நன்னே தன நன்னே தானா )


மண் தின்ற வாயன் ( புவனம் காட்டல் )

அன்று தின்றுவிட்டான் வெண்ணை
ஐயோ இன்றோ தின்கின்றானே மண்ணை

             என்றே பதறிய தன்தாய் யசோதை வியந்திடவே
             காட்டிவிட்டான்  அவனும் வாயில் புவனம்
                                               அவனும் வாயில் புவனம் 
                                                                                       (  தன நன்னே தன நன்னே தானா )

 காளிங்க நர்த்தனம்

காளிங்க  மடுவினில் குதித்தே
நாக காளிங்கனின் தலை மிதித்தே

               அவன் வாலை யொரு கரம் பிடித்திட  தன் காலை யவன்
               அசைத்தாடிய நர்த்தனம் காளிங்க நர்த்தனம்  
                                               நர்த்தனம் காளிங்க நர்த்தனம் 
                                                                                        (  தன நன்னே தன நன்னே தானா )

கோவர்த்தன கிரிதாரி 

இந்திர பூஜையைத் தடுத்தே
கோவர்த்தன மலைக் கதைக் கொடுத்தே

    அதன் விளைவாய்க் கடும் மழை பெய்திட ஊர் மக்களின்  உயிர் காத்திட
    மலை பெயர்த்தான்    குடையாய்  பிடித்தான் .
                                          கோவர்தனன் ..குடை பிடித்தான் .
                                                                                         (  தன நன்னே தன நன்னே தானா )


துகில் கவரும் கள்வன் 

கோபியர் எல்லோரும் கூடி
யமுனை நதியினிலே நீராடி

        மகிழ் நேரந்தனில் துகில் வாரியே மரமேறியே சிரித்தானவன்
        குறும்பும் மனம் விரும்பும்
                                   குறும்பும் மனம் விரும்பும்
                                                                                         (  தன நன்னே தன நன்னே தானா )

இராச  லீலை

யமுனை நதிக்கரை யோரம்
முழு மதியொன்று உலவிடும் நேரம்

        வேய்ங்குழலூதிட மனம் மயங்கிய   கோபியரொடு
        அவனாடிய லீலை ...ராச லீலை
                                 லீலை ...ராச லீலை

                                                                                         (  தன நன்னே தன நன்னே தானா )