திருநூலாற்றுப்படை - 17

சென்னை புத்தகத் திருவிழா - 2019
சிறப்புப் பதிவு

நூல் அறிமுகம் - 17

#கடவுள்_இருட்டு_அறிவியல்_வெளிச்சம்
#கீழைக்காற்று_பதிப்பகம்
₹90

இந்நூல் வினவு இணையதளம் ( vinavu.com )
மற்றும் புதிய கலாச்சாரம் இதழில் பல்வேறு வருடங்களில் இடம் பெற்ற கட்டுரைகளின்
தொகுப்பு .

முழுக்க முழுக்க அறிவியல் ஆய்வுகளையும் ,தேற்றங்களையும் ,
கண்டுபிடிப்புகளையும் முன்னிலைப்படுத்தி கடவுளையும் ,மதங்களையும் நோக்கி சவால் விடுக்கும் நூல்.

டார்வின் ,உயிரினங்களின் தோற்றம் ,இயற்கைத் தேர்வு - ஒரு அறிமுகம்
( இது மார்ட்டின் என்பவர் எழுதியது )

என்னும் முதல் கட்டுரை தொடங்கி

அறிவியலின் நெற்றியடி ! ##### மோசடி
( புதிய கலாச்சாரம் ஜனவரி,1997 )

கடவுளைக் கைது செய்த விஞ்ஞானிகள்
( புதிய கலாச்சாரம் - அக்டோபர் , 2008 )

செயற்கை உயிர் : பழைய கடவுள் காலி !
புதிய கடவுள் யார் ?
(மருதையன்,புதிய கலாச்சாரம்,ஜூலை ,2010)

ஹிக்ஸ் போசான் துகள்! ஒரு வரலாற்று விளக்கம்!
( புதிய கலாச்சாரம் , ஆகஸ்ட் , 2012 )

கடவுளை நொறுக்கிய துகள்
( புதிய கலாச்சாரம் , ஆகஸ்ட் , 2012 )

வரலாற்றுப் பாதையில் E = mc2
( மார்ட்டின் ,ஏப்ரல் 11 , 2014 )

சந்திராயன் - அறிவியலா ? ஆபாசமா ?
( புதிய கலாச்சாரம் , மே - 2007 )

ஆகிய எட்டு கட்டுரைகளின் தொகுப்பாக வந்துள்ள இந்நூல் ஆன்மீகத்தை மறுக்கின்ற அதே வேளையில் நாத்திகம் பேசும் வழக்கமான நூலல்ல என்றும் நாத்திகத்தை அறிவியலோடு இணைக்கும் முயற்சி என்றும் தன்னிலை விளக்கம் கொடுக்கிறது .அறிவியல் ஆய்வுகள் குறித்த கட்டுரைகளை இவ்வளவு ஆர்வமூட்டும் வகையில் கொடுத்திருப்பது , மனக்கண் முன் ஏசு ,புத்தர் ,காளி ஆகிய கடவுளர் காட்சி தருவது ,சாமி வந்து ஆடுவது அனைத்தையும் ஹம்பக் என்று தக்க ஆதாரங்களோடு விளக்க முற்படுகிறது இந்நூல் ....

படியுங்கள் ...

குறிப்பாக ஆன்மீகம் பேசுபவர்கள் ...

அதிலும் குறிப்பாக ...நாத்திகம் பேசுபவர்கள்..

ஒரு புதிய உலகம் தெரியும் ..!

முத்துக்குமரன் சுரேஷ்

கவுன்ட் டவுன் - 5 நாட்கள் .